- AI ਸਾਫਟਵੇਅਰ ਇੰਜੀਨੀਅਰ ਅਤੁਲ ਸੁਭਾਸ਼ ਦੀ ਖੁਦਕੁਸ਼ੀ ਮਾਮਲੇ ਬਾਰੇ ਜਾਣ ਕੇ ਦੇਸ਼ ਦਾ ਹਰ ਨਾਗਰਿਕ ਹੈਰਾਨ ਹੈ। ਮਾਮਲੇ ‘ਚ ਕਈ ਹੈਰਾਨ ਕਰਨ ਵਾਲੀਆਂ ਗੱਲਾਂ ਸਾਹਮਣੇ ਆ ਰਹੀਆਂ ਹਨ। ਬੇਂਗਲੁਰੂ ਪੁਲਿਸ ਨੇ ਅਤੁਲ ਦੇ ਭਰਾ ਦੀ ਸ਼ਿਕਾਇਤ ‘ਤੇ ਪਤਨੀ ਨਿਕਿਤਾ ਸਿੰਘਾਨੀਆ ਸਮੇਤ 4 ਲੋਕਾਂ ਖਿਲਾਫ ਐੱਫਆਈਆਰ ਇਸ ਦੌਰਾਨ ਅਤੁਲ ਬਾਰੇ ਅਜਿਹੀ ਜਾਣਕਾਰੀ ਸਾਹਮਣੇ ਆਈ ਹੈ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਉਹ ਇਕ ਮਹੀਨਾ ਪਹਿਲਾਂ ਖੁਦਕੁਸ਼ੀ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਉਸ ਦੀ ਇੱਕ ਚੈਕਲਿਸਟ ਮਿਲੀ ਹੈ, ਜਿਸ ਵਿੱਚ ਹੈਰਾਨੀਜਨਕ ਗੱਲਾਂ ਦੇਖਣ ਨੂੰ ਮਿਲੀਆਂ ਹਨ। ਅਤੁਲ ਸੁਭਾਸ਼ ਨੇ ਖੁਦਕੁਸ਼ੀ ਦਾ ਖੌਫਨਾਕ ਕਦਮ ਚੁੱਕਣ ਤੋਂ ਪਹਿਲਾਂ ਚੈਕਲਿਸਟ ਬਣਾ ਲਈ ਸੀ। ਇਹ ਉਨ੍ਹਾਂ ਦੇ ਹਰੇਕ ਕੰਮ ਲਈ ਇੱਕ ਚੈਕਲਿਸਟ ਸੀ, ਜਿਸ ਨੂੰ ਤਿੰਨ ਭਾਗਾਂ ਵਿੱਚ ਵੰਡਿਆ ਗਿਆ ਹੈ। ਪੁਲਿਸ ਨੇ ਇਹ ਚੈਕਲਿਸਟ ਬੈਂਗਲੁਰੂ ਸਥਿਤ ਘਰ ਤੋਂ ਬਰਾਮਦ ਕੀਤੀ ਹੈ। ਅਤੁਲ ਨੇ ਇਹ ਚੈਕਲਿਸਟ ਕੰਧ ‘ਤੇ ਲਗਾ ਦਿੱਤੀ ਸੀ। ਚੈਕਲਿਸਟ ਦੇ ਅੱਗੇ ਇੱਕ ਹੋਰ ਕਾਗਜ਼ ਚਿਪਕਾਇਆ ਗਿਆ ਸੀ ਜਿਸ ‘ਤੇ ਲਿਖਿਆ ਸੀ- ਇਨਸਾਫ਼ ਮਿਲਨਾ ਚਾਹੀਦਾ ਹੈ।
ਜਾਣਕਾਰੀ ਮੁਤਾਬਕ 34 ਸਾਲਾ ਅਤੁਲ ਨੇ ਇਕ ਮਹੀਨਾ ਪਹਿਲਾਂ ਖੁਦਕੁਸ਼ੀ ਦੀ ਯੋਜਨਾ ਬਣਾਈ ਸੀ। ਉਸ ਨੇ ਮੌਤ ਤੋਂ ਪਹਿਲਾਂ ਜ਼ਰੂਰੀ ਕੰਮਾਂ ਨੂੰ ਪੂਰਾ ਕਰਨ ਲਈ ਚੈਕਲਿਸਟ ਨੂੰ ਤਿੰਨ ਹਿੱਸਿਆਂ ਵਿਚ ਵੰਡਿਆ ਸੀ। ‘ਜ਼ਿੰਦਗੀ ਦੇ ਆਖਰੀ ਦਿਨ ਤੋਂ ਪਹਿਲਾਂ’, ‘ਮੌਤ ਦਾ ਦਿਨ’ ਅਤੇ ‘ਖੁਦਕੁਸ਼ੀ ਦੇ ਆਖਰੀ ਦਿਨ ਤੋਂ ਪਹਿਲਾਂ’ ਦੇ ਕੰਮ ਨਿਸ਼ਚਿਤ ਸਨ ਅਤੇ ਉਨ੍ਹਾਂ ਨੇ ਇਹੀ ਕੀਤਾ। ਇਹ ਸੂਚੀ ਮਹੀਨਾ ਪਹਿਲਾਂ ਹੀ ਇਸ ਤਰ੍ਹਾਂ ਦੀ ਦੇਖਭਾਲ ਨਾਲ ਬਣਾਈ ਗਈ ਸੀ ਤਾਂ ਜੋ ਇਨ੍ਹਾਂ ਨਾਲ ਸਬੰਧਤ ਕੋਈ ਵੀ ਕੰਮ ਪੈਂਡਿੰਗ ਨਾ ਰਹੇ। ਅਤੁਲ ਸੁਭਾਸ਼ ਦੀ ਚੈਕਲਿਸਟ
ਅਤੁਲ ਸੁਭਾਸ਼ ਨੇ ਇਸ ਚੈਕਲਿਸਟ ਨੂੰ ਤਿੰਨ ਹਿੱਸਿਆਂ ਵਿੱਚ ਵੰਡਿਆ ਸੀ। ਇਹ ਭਾਗ ਸਨ – Before last day, Last day ਅਤੇ Execute last moment। ਇਸ ਦਾ ਮਤਲਬ ਉਨ੍ਹਾਂ ਦੇ ਫੋਨ ਦੇ ਫਿੰਗਰਪ੍ਰਿੰਟਸ ਅਤੇ ਫੇਸ ਰਿਕਗਨੇਸ਼ਨ ਨੂੰ ਹਟਾਉਣਾ ਸੀ ਤਾਂ ਜੋ ਮੌਤ ਤੋਂ ਬਾਅਦ ਉਹ ਲੋਕ ਇਸ ਨੂੰ ਐਕਸੇਸ ਕਰ ਸਕਣ ਜੋ ਉਨ੍ਹਾਂ ਨੂੰ ਜਾਣਦੇ ਸਨ। ਆਪਣੀ ਕਾਰ, ਸਾਈਕਲ ਤੇ ਕਮਰੇ ਦੀਆਂ ਚਾਬੀਆਂ ਨੂੰ ਫਰਿੱਜ ‘ਤੇ ਛੱਡਣਾ, ਦਫਤਰ ਦਾ ਕੰਮ ਪੂਰਾ ਕਰਨਾ ਅਤੇ ਆਪਣੇ ਲੈਪਟਾਪ ਅਤੇ ਚਾਰਜਰ ਨੂੰ ਸਟੋਰ ਕਰਨਾ ਆਦਿ।
ਖੁਦਕੁਸ਼ੀ ਕਰਨ ‘ਚ ਦੇਰੀ ਕਿਉਂ ਹੋਈ?
ਸੁਭਾਸ਼ ਨੇ ਇਹ ਸਾਰੀਆਂ ਚੈਕ ਲਿਸਟਾਂ ਬਣਾਉਣ ਵਿੱਚ ਬਹੁਤ ਧਿਆਨ ਰੱਖਿਆ ਸੀ। ਅਤੁਲ ਸੁਭਾਸ਼ ਦੇ ਸੁਸਾਈਡ ਨੋਟ ਤੋਂ ਪਤਾ ਲੱਗਦਾ ਹੈ ਕਿ ਉਸ ਨੇ ਇਹ ਫੈਸਲਾ ਕਰਨ ਲਈ ਸਮਾਂ ਲਿਆ ਕਿ ਉਸ ਦੀਆਂ ਸਾਰੀਆਂ ਬਕਾਇਆ ਜ਼ਿੰਮੇਵਾਰੀਆਂ ਹੁਣ ਪੂਰੀਆਂ ਹੋ ਗਈਆਂ ਹਨ। ਅਤੁਲ ਸੁਭਾਸ਼ ਨੇ ਲਿਖਿਆ ਹੈ ਕਿ ਇਸ ਕੰਮ ਨੂੰ ਪੂਰਾ ਕਰਨ ‘ਚ ਉਨ੍ਹਾਂ ਨੂੰ ਕੁਝ ਮਹੀਨੇ ਲੱਗ ਗਏ। ਸਰਕਾਰੀ ਦਫਤਰਾਂ ‘ਚ ਕੰਮ ਬਹੁਤ ਹੌਲੀ ਚੱਲ ਰਿਹਾ ਹੈ ਅਤੇ ਇਸ ਕਾਰਨ ਉਸ ਨੇ ਖੁਦਕੁਸ਼ੀ ਕਰਨ ‘ਚ ਦੇਰੀ ਕੀਤੀ ਹੈ।
ਅਤੁਲ ਸੁਭਾਸ਼ ਨੇ ਆਪਣੇ ਸੁਸਾਈਡ ਨੋਟ ਵਿੱਚ ਇਹ ਵੀ ਲਿਖਿਆ ਹੈ ਕਿ ਉਹ ਜਿੰਨੀ ਮਿਹਨਤ ਕਰੇਗਾ, ਓਨਾ ਹੀ ਉਸ ਨੂੰ ਅਤੇ ਉਸ ਦੇ ਪਰਿਵਾਰ ਨੂੰ ਤੰਗ ਕੀਤਾ ਜਾਵੇਗਾ, ਉਨ੍ਹਾਂ ਤੋਂ ਜ਼ਬਰਦਸਤੀ ਪੈਸੇ ਲਏ ਜਾਣਗੇ ਅਤੇ ਇਹ ਪੂਰੀ ਨਿਆਂ ਪ੍ਰਣਾਲੀ ਉਨ੍ਹਾਂ ਨੂੰ ਤੰਗ ਕਰਨ ਵਾਲਿਆਂ ਦੀ ਮਦਦ ਕਰੇਗੀ। ਜੇ ਉਹ ਇਸ ਸੰਸਾਰ ਨੂੰ ਛੱਡ ਦਿੰਦਾ ਹੈ, ਤਾਂ ਉਸ ਕੋਲ ਪੈਸੇ ਨਹੀਂ ਹੋਣਗੇ ਅਤੇ ਉਸ ਦੇ ਬੁੱਢੇ ਮਾਤਾ-ਪਿਤਾ ਅਤੇ ਉਸ ਦੇ ਭਰਾ ਨੂੰ ਕੋਈ ਪਰੇਸ਼ਾਨੀ ਨਹੀਂ ਹੋਵੇਗੀ।