ਦੇਸ਼ ਦੀ ਰੇਲਵੇ ਨੂੰ ਨਵੇਂ ਸਾਲ ਦਾ ਤੋਹਫਾ, ਜਨਵਰੀ ਤੋਂ ਕੇਬਲ ਰੇਲ ਪੁਲ ‘ਤੇ ਚੱਲਣਗੀਆਂ ਟਰੇਨਾਂ, ਦੇਖੋ ਵੀਡੀਓ
ਨਵੇਂ ਸਾਲ ‘ਤੇ ਦੇਸ਼ ਵਾਸੀਆਂ ਨੂੰ ਰੇਲਵੇ ਤੋਂ ਵੱਡਾ ਤੋਹਫਾ ਮਿਲਣ ਵਾਲਾ ਹੈ। ਰੇਲਵੇ ਨੇ ਬੁੱਧਵਾਰ ਨੂੰ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਰਿਆਸੀ ਜ਼ਿਲੇ ‘ਚ ਭਾਰਤ ਦੇ ਪਹਿਲੇ ਕੇਬਲ-ਸਟੇਡ ਰੇਲ ਬ੍ਰਿਜ ‘ਤੇ ਟਾਵਰ ਵੈਗਨਾਂ ਦੀ ਟ੍ਰਾਇਲ ਰਨ ਸਫਲਤਾਪੂਰਵਕ ਕੀਤੀ ਗਈ। ਇਹ ਸਹੂਲਤ ਕਸ਼ਮੀਰ ਵਿੱਚ ਅਗਲੇ ਸਾਲ ਜਨਵਰੀ ਵਿੱਚ ਸ਼ੁਰੂ ਕੀਤੀ ਜਾਵੇਗੀ।
ਇਸ ਬਾਰੇ, ਰੇਲ ਮੰਤਰੀ ਨੇ ਐਕਸ ‘ਤੇ ਕਿਹਾ ਕਿ, “ਅੰਜੀ ਖਾਦ ਬ੍ਰਿਜ ‘ਤੇ ਟਾਵਰ ਵੈਗਨ ਦਾ ਟ੍ਰਾਇਲ ਰਨ, ਯੂਐਸਬੀਆਰਐਲ ਪ੍ਰੋਜੈਕਟ ਲਈ ਭਾਰਤ ਦੇ ਪਹਿਲੇ ਕੇਬਲ-ਸਟੇਡ ਰੇਲ ਬ੍ਰਿਜ ਨੂੰ ਸਫਲਤਾਪੂਰਵਕ ਪੂਰਾ ਕਰ ਲਿਆ ਗਿਆ ਹੈ, ਜਿਸ ਨਾਲ ਜੰਮੂ ਅਤੇ ਕਸ਼ਮੀਰ ਵਿੱਚ ਸੰਪਰਕ ਵਧਿਆ ਹੈ।”ਇਸ ਪੁਲ ਦਾ ਕੰਮ ਪਿਛਲੇ ਮਹੀਨੇ ਪੂਰਾ ਹੋ ਗਿਆ ਸੀ। ਜਦੋਂ ਇਸ ਦਾ ਨਿਰਮਾਣ ਪੂਰਾ ਹੋਇਆ ਤਾਂ ਪੀਐਮ ਮੋਦੀ ਨੇ ਵੀ ਇਸ ਦੀ ਤਾਰੀਫ਼ ਕੀਤੀ। ਇਹ ਪੁਲ ਊਧਮਪੁਰ-ਸ਼੍ਰੀਨਗਰ-ਬਾਰਾਮੂਲਾ ਰੇਲਵੇ ਲਿੰਕ ਪ੍ਰੋਜੈਕਟ ਦਾ ਹਿੱਸਾ ਹੈ, ਜਿਸਦਾ ਉਦੇਸ਼ ਕਸ਼ਮੀਰ ਘਾਟੀ ਅਤੇ ਦੇਸ਼ ਦੇ ਬਾਕੀ ਹਿੱਸਿਆਂ ਵਿਚਕਾਰ ਰੇਲ ਸੰਪਰਕ ਪ੍ਰਦਾਨ ਕਰਨਾ ਹੈ।
