ਦੱਖਣੀ ਅਫ਼ਰੀਕਾ ਨੂੰ ਜੀ20 ਸੰਮੇਲਨ ਵਿੱਚ ਹਿੱਸਾ ਲੈਣ ਤੋਂ ਰੋਕਿਆ ਜਾਵੇਗਾ: ਟਰੰਪ
ਫਲੋਰੀਡਾ : ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਅਗਲੇ ਸਾਲ ਮਿਆਮੀ ਵਿੱਚ ਹੋਣ ਵਾਲੇ ਗਰੁੱਪ ਆਫ਼ 20 ਸੰਮੇਲਨ ਵਿੱਚ ਦੱਖਣੀ ਅਫ਼ਰੀਕਾ ਨੂੰ ਹਿੱਸਾ ਲੈਣ ਤੋਂ ਰੋਕ ਰਹੇ ਹਨ ਅਤੇ ਇਸ ਸਾਲ ਦੀ ਆਲਮੀ ਮੀਟਿੰਗ ਵਿੱਚ ਇੱਕ ਅਮਰੀਕੀ ਸਰਕਾਰੀ ਪ੍ਰਤੀਨਿਧੀ ਨਾਲ ਕੀਤੇ ਗਏ ਵਰਤਾਅ ਨੂੰ ਲੈ ਕੇ ਦੇਸ਼ ਨੂੰ ਦਿੱਤੇ ਜਾਂਦੇ ਸਾਰੇ ਭੁਗਤਾਨਾਂ ਅਤੇ ਸਬਸਿਡੀਆਂ ਨੂੰ ਰੋਕ ਦੇਣਗੇ।
ਟਰੰਪ ਨੇ ਦੱਖਣੀ ਅਫ਼ਰੀਕਾ ਦੀ ਮੇਜ਼ਬਾਨੀ ਵਿੱਚ ਹੋਏ ਹਾਲ ਹੀ ਦੇ ਸੰਮੇਲਨ ਵਿੱਚ ਅਮਰੀਕੀ ਵਫ਼ਦ ਨੂੰ ਸ਼ਾਮਲ ਨਾ ਕਰਨ ਦਾ ਫੈਸਲਾ ਕੀਤਾ, ਉਨ੍ਹਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ਨੇ ਅਜਿਹਾ ਇਸ ਲਈ ਕੀਤਾ ਕਿਉਂਕਿ ਗੋਰੇ ਅਫ਼ਰੀਕਨਰਾਂ ਨੂੰ ਹਿੰਸਕ ਤੌਰ ’ਤੇ ਤੰਗ ਕੀਤਾ ਜਾ ਰਿਹਾ ਸੀ। ਹਾਲਾਂਕਿ ਇਸ ਦਾਅਵੇ ਨੂੰ ਦੱਖਣੀ ਅਫ਼ਰੀਕਾ, ਜੋ ਦਹਾਕਿਆਂ ਤੱਕ ਨਸਲੀ ਰੰਗਭੇਦ ਵਿੱਚ ਫਸਿਆ ਰਿਹਾ, ਨੇ ਬੇਬੁਨਿਆਦ ਕਹਿ ਕੇ ਖਾਰਜ ਕਰ ਦਿੱਤਾ ਹੈ।
